Мюллер Левандовскидан "Бавария"да қолишни сўрамоқда

Германиялик ҳужумчининг фикрича, у польшалик тўпурарнинг жамоада қолишини истайди.

"Ҳужумдаги шеригим қолишини истардим. Биз биргаликда бундай вазиятлардан кўп марта ўтганмиз. Франк Рибери "Реал"га ўтишни хоҳлагани эсимда. Лекин аниқ айтиш мумкинки, клуб билан амалдаги шартномаси бўлган ҳар бир футболчи ўзини яна кўрсатишни ният қилади. Чунки ёмон ўйин ҳеч бир футболчи ва клубга завқ бағишламайди", – деди Мюллер.

Левандовски ўтган мавсумда барча турнирлар доирасида 47 та ўйинда майдонга тушиб, 50 та гол урди ва 7 та голга ассистентлик қилди.