МЮ ва "Ливерпуль"нинг собиқ футболчилари мухлисларининг норозилигига муносабат билдирди

Ишқибозлар “қизил иблислар” раҳбариятидан норози бўлмоқда.

“Ўйлашимча, “Юнайтед” мухлисларини тоқати тоқ бўлди. Улар клубни севишади ва бу нафрат нафақат охирги бир неча ҳафта, балки йиллар давомида шаклланиб келди. Бундай норозилик билан ўйиннинг бекор қилинишига олиб келиш жуда кўп нарсани англатади! Ушбу мухлисларни фақатгина олқишлаш мумкин, уларни танқид ҳам қилолмайман”, дейди Рой Кин.

“Глейзерлар бўлган воқеада фақат ўзларини айблашлари мумкин. “Юнайтед” мухлисларининг бугунги ҳаракатини маъқуллайман. Футбол клубларида содир бўлаётган нотўғри ишларга қарши норозилик намойишларини тўлиқ қўллаб-қувватлайман”, дейди Жейми Каррагер.

“Яқинда Жоэль Глейзер ўз мурожаатида мухлисларнинг ишончини қайтаришни истаётгани ҳақида айтганди. Бироқ, у ҳеч қачон бу ишончга эга бўлмаган”, дейди Гари Невилл.