МЮ энг қиммат футболчисини сотишга тайёр

"Манчестер Юнайтед" ёзда вингер Антонини сотмоқчи, дея хабар берди журналист Крис Уиллер. Манкунианлар ҳар қандай таклифга қулоқ солишади.

Манбага кўра, МЮ бош мураббийи Эрик тен Ҳаг ўзининг талабига кўра олиб келинган футболчи билан ҳисоблашишни хоҳламаяпти. 24 ёшли вингер жорий мавсум барча турнирларда 26 та ўйин ўтказиб, атиги 1 та гол урди.

Антони МЮнинг ҳозирги таркибидаги энг қиммат футболчи ва клуб тарихидаги иккинчи энг қиммат трансфер ҳисобланади. Манкунианлар "Аякс" футболчисини 2022 йилнинг ёзида  95 млн евро эвазига сотиб олишди.