Мьянма футбол федерацияси жаримага тортилди

Бунга сабаб шуки, яхши биласиз, ҳозир Мьянмада ёшлар ўртасида Осиё чемпионати ўтказилмоқда. Мусобақанинг чорак финалидан ўрин олган Мьянма - БАА баҳсида мезбон жамоа мухлислари ўзларини хулқий жиҳатдан ёмон тутишгани боис ушбу мамлакат футбол федерациясига 24 минг АҚШ доллари мидорида жарима солинди. Мьянма ёшлар терма жамоасининг жаҳон чемпионатига чиққанидан хурсандчилигини яшира олмаган мухлислар майдонга тушиб кетишган.

Бундан ташқари, ОФК томонидан Мьянма олдига қатъий талаб қўйилди, яъни бу терма жамоа мусобақадаги кейинги ўйинини томошабинларсиз ўтказади. Агар Мьянма ярим финалда Қатарни мағлуб этиб, финалга чиқадиган бўлса, финал беллашуви ҳам мухлисларсиз ўтади.