Музаффар Музаффаров: “Нефтчи”га келишимда дадамнинг ҳеч қандай алоқаси йўқ”

Жамоа сафида ҳаракат қилган Музаффар Музаффаров ҳам Фарғонанинг “Нефтчи” жамоаси машғулотларида иштирок этмоқда. У янги жамоага кўчиб ўтишида отаси Мурод Исмоиловнинг алоқаси йўқлигини айтиб ўтди.

“Сўғдиёна” жамоаси билан шартномам якунига етгач, янада ўсишим учун “Нефтчи” клубига ўтдим. Олдин ҳам ушбу жамоада ўйнаганим учун футболчилар билан тез тил топишиб кетдим. Клуб рахбарияти ва жамоа бош мураббийи менга таклиф билан чиқишди. Андрей Фёдоров билан биринчи маротаба ишлашим. Ушбу мутахассис Европа про лицензиясига эга. Ушбу мураббий қўл остида яна ҳам кўпроқ ўсишга эришаман деб “Нефтчи” вариантини танладим. Олдимда бошқа таклифлар ҳам бор эди. Лекин ҳозирча клуб билан шартнома имзолаганим йўқ. “Нефтчи”га келишимда дадамнинг ҳеч қандай алоқаси йўқ. Насиб қилса “Нефтчи” билан яхши натижаларга эришмоқиман. “Сўғдиёна” клубида ўйнаб шундай даражага эришдим. Ушбу клубда фаолият юритганимдан афсусланмайман. Даврон ака Фаёзиевга катта раҳмат айтаман. Ушбу жамоани фаолиятим сўнггигача ёдимдан чиқармайман”, - дейди Музаффар Музаффаров.


Жаҳонгир Сотволдиев