Мухлисларни водий дербисига чорлаймиз
05 nov 2014 15:24
News

Мухлисларни водий дербисига чорлаймиз

Юртимизда миллий чемпионат ўйинлари поёнига етиб бормоқда. Аниқроғи ушбу ҳафтада жамоалар сўнгги тур ўйинларини ўтказишади ва таътилга чиқади.

7 ноябрь куни "Нефтчи"ни муҳим учрашув кутиб турибди. Унда жамоа олий лига аутсайдери "Андижон"ни қабул қилади. Водий дербиси мақомидаги ҳар қандай баҳс жамоаларнинг турнир жадвалида нечанчи ўринни эгаллаб туришидан қатъий назар, доимо кескин курашлар остида ўтиб келган.

"Нефтчи" ва "Андижон"нинг ўзаро 42-тўқнашуви ҳам бундан мустасно бўлмаса керак деб ўйлаймиз. Сайтимиз орқали аввал хабар берганимиздек, мазкур учрашув Қўқондаги "Марказий" стадионда бўлиб ўтади. Ўйин соат 14:00да бошланади. Жамоамизга бефарқ бўлмаган барча ишқибозларни ушбу баҳсга таклиф этиб қоламиз.

Link :

Source : fcneftchi.uz

Receive latest football news directly on your phone. Subscribe for our Telegram channel!

Rating: