Latest news

00:25"Манчестер Сити"нинг 70 млн евролик бўлажак трансфери тиббий кўрикдан ўтди  1 00:00Миллатлар лигаси. Португалия ва Испания бош соврин учун кураш олиб бормоқда (онлайн ҳисоб)  40 23:50Жоб Беллингемнинг янги клуби маълум  0 23:22"Байер" Вирцни 140 млн евро эвазига "Ливерпуль"га сотадими?  2 22:35Қатар терма жамоаси Тошкентга етиб келди  4 22:15Ўртоқлик ўйини. Ўзбекистон ва Россиянинг 21 ёшгача бўлган жамоалари ўртасидаги ўйинда 9 та гол урилди  41 22:10Ўзбекистон кубоги. "Динамо" 1/8 финалнинг илк ўйинида "Лочин"ни тор-мор этди  12 21:43Ўзбекистон терма жамоасининг бугунги машғулотидан ФОТОГАЛЕРЕЯ  0 21:34Аарон Ремзи фаолиятини Мексикада давом эттиради  1 21:10Абдулла Абдуллаев: "Энди янада юқори мақсадлар қўйиб, мундиалда яхши натижалар қайд этишга ҳаракат қиламиз"  11 20:44Ўзбекистон U-16 назорат ўйинида Россия U-16га йирик ҳисобда мағлуб бўлди  16 20:24Одил Ҳамробеков: "Нималар қилиб қўйганимизни тўлиқ ҳис қила олмаяпман"  13 20:00УЕФА Миллатлар лигаси. Франция учинчи ўрин учун баҳсда Германияни мағлубиятга учратди  28 19:54Про лига. "ФарДУ" ва "Арал" ўртасидаги ўйин тақдирини ягона гол ҳал қилди  4 19:38"Реал" мухлислари учун хушхабар  0

Мутолаа учун. Месси келажагини аниқлаб олди. У "Барселона"га қайтмайдими? News

Мутолаа учун. Месси келажагини аниқлаб олди. У "Барселона"га қайтмайдими?

Ҳозирча йўқ.


Лео ва Роналду қарама-қаршилигининг янги эпизоди бекор қилинмоқда

Лионель Мессининг ПСЖ билан шартномаси ёзда якунига етади. Ҳозирданоқ аргентиналик учун фаолиятини давом эттириш учун турли вариантлар муҳокама қилинмоқда, аммо Лео учун улар керакмасдек. Жаҳон чемпиони камида яна бир мавсум қаерда ўйнашини аниқлаб олди.


Саудия Арабистони клублари Лионель Мессини харид қилишни хоҳлади

Саудия Арабистонининг "Ал Ҳилол" ва "Ал Иттиҳод" клублари Лионель Мессини нишонга олган. Marca'нинг ёзишича, икки жамоа ҳам аргентиналикка бир мавсум учун 350 миллион евро тўлашга тайёр, аммо улар бунда молиявий ёрдам учун мамлакат ҳукуматига мурожаат қилмоқчи. Шу билан бирга, икки клуб ҳам ҳозирда ФИФА санкциялари остида турли хил операциялардаги қоидабузарликлар учун келаси ёзгача қадар битимни амалга ошира олмайди. "Mundo Deportivo" аллақачон Мессига "Ал Ҳилол"нинг қизиқиши ҳақида гапирди, бу клуб Саудия Арабистонида Криштиану Роналду ўйнаётган "Ал Насср"нинг асосий рақибидир. Уларнинг қарама-қаршилиги маҳаллий "класико" демакдир.



Мессининг эҳтимолий харидини "Ал Ҳилол" ижрочи директори Фаҳад Ал Мофариж шундай изоҳлади: "Бу Криштиану Роналду билан шартнома имзоланганга ўхшайди. Гап фақат клуб ва ўйинчи ҳақида кетмаяпти. Барча Саудия Арабистони жамоалари спорт вазирининг аввалроқ айтган сўзларидан сўнг катта янгиликларга тайёрланмоқда".


Месси ПСЖда қолади


Аммо камида яқин келажакда Мессининг Роналду билан қарама-қаршилигини кўрмаймиз. Аргентинанинг "TyC Sport" нашри журналист Гастон Эдулнинг таъкидлашича, жаҳон чемпиони ПСЖ билан шартномани 2024 йилнинг июнига (клуб 2025 йилнинг ёзига қадар келишувни хоҳлаган бўлса ҳам) қадар узайтириш борасида оғзаки келишувга эришган. Музокаралар якуний босқичда ва барчаси тезда якунланиши керак. "Буни сизларга Саудия Арабистони ва АҚШдан бўлаётган миш-мишлар фонида гапиряпман. Месси келаси мавсум ҳам Чемпионлар Лигасида ўйнамоқчи. ПСЖ билан. Аммо у ҳали бир қарорга келмади [янги шартнома бўйича]", – дейди Эдуль ўз подкастида.

Шунингдек, журналист форварднинг "Барселона"га эҳтимолий қайтиши ҳақидаги мавзуга ҳам аниқлик киритди: "Лионель Месси ортиқ ҳеч қачон "Барселона" сафида ўйнамайди. Унинг қайтиши бўйича музокаралар йўқ ва бўлмаган ҳам".



Леонинг ушбу мавсумдаги ишлари олдингисига қараганда анча яхши кетмоқда. Ҳужумчи Аргентина терма жамоасидаги муваффақиятли иштирокдан ташқари, ПСЖ сафида барча мусобақаларда 20 та (!) ўйинда 13 та гол ва 14 та ассист қайд этди. Месси 2021/22 йилги мавсум янги клубга мослашиши жуда ҳам осон бўлгани йўқ, аммо у шунда ҳам Франция чемпиони, мамлакат Суперкубоги соҳиби бўлди ва 34 та ўйинда "гол+пас" тизимида "11+15" балл тўплади. ПСЖ раҳбариятининг 35 ёшида ҳам натижа бераётган форвардни сақлаб қолишни хоҳлаётгани ажабланарли эмас.


Championat.com сайтидан Алишер Остонов таржимаси

Rating: +9   

Comments

championat.asia
< show latest news
Яндекс.Метрика