МТЖ лагеридан "қайноқ" дарак!
04 sep 2017 21:30
News

МТЖ лагеридан "қайноқ" дарак!

Ўзбекистон терма жамоасининг ўнг қанот ҳимоячиси Акмал Шораҳмедов Жанубий Корея билан бўладиган ҳаёт-мамот учрашувида иштирок этмайди.

Терма жамоа мураббийлар штаби Акмал Шораҳмедовга жавоб бериб юборишган. Шораҳмедов терма жамоа лагерини бугунги машғулотдан сўнг тарк этган.

Хитойга қарши ўйинни дисквалификация туфайли ўтказиб юборган Даврон Ҳошимов яна машғулотларга қайтгани ҳақида хабар бергандик. Жанубий Корея билан ўйин қайдномасига Акмал Шораҳмедовни ўрнини айнан Даврон Ҳошимов эгаллайди.

Демак, эртанги ўйинда ўнг қанот ҳимоясида яна Ислом Тўхтахўжаев ёки Даврон Ҳошимовни кўришимиз мумкин.

Эслатиб ўтамиз, Ўзбекистон - Жанубий Корея учрашуви 5 сентбрь куни Тошкент вақти билан соат 20:00да бошланади.