Моуринью: "Ўшанда Гвардиолага: "Байрам қилма, ҳали ўйин тугамади", дегандим"
22 may 2020 20:28
News

Моуринью: "Ўшанда Гвардиолага: "Байрам қилма, ҳали ўйин тугамади", дегандим"

"Тоттенхэм" бош мураббийи Жозе Моуринью 2009/10 йилги мавсум ЕЧЛ ярим финалида Пеп Гвардиола билан бўлган диалогни ёдга олди.

Ярим финалнинг иккинчи ўйинида Моуриньюнинг "Интер"и ярим ҳимоячиси Тиаго Мотта биринчи бўлимда рақиби Сержи Бускетсга қарши қўполлиги учун қизил карточка олганди.

"Бускетс йиқилган пайтида Мотта четлатилган жойдан ҳисобласак, мен ўзимиз ва "Барселона" захира ўриндиғи ўртасида эдим.

Кўз қирим билан "Барселона"дагилар учрашувда ғалаба қилгандек нишонлашаётганини сездим. Гвардиола Златан Ибрагимовични олдига чақириб, тактика ҳақида гапираётганди - яъни, 11га 10 тактикаси.

Гвардиолага шунчаки: "Байрам қилма, ўйин ҳали тугамади", деб айтганман холос.

Бу ҳаётимдаги энг ажойиб ғалабалардан бири эди. Биз 0:1 ҳисобида ютқазмадик, 3:1 ҳисобида ғалабага эришдик. Оддий қилиб айтганда қийин вазиятдан чиқиб кета олгандик", - деди Моуринью.

Иккинчи ўйинда "Интер" 0:1 ҳисобида ютқазди, бироқ икки ўйин натижасига кўра жамоа финалга йўлланма олди ва якунда чемпионликни қўлга киритди.

Link :

Source : Goal

Receive latest football news directly on your phone. Subscribe for our Telegram channel!

Rating: +21