Моуриньо бош ҳакамни танқид қилди: "Сити" замонавий пенальти ишлаб олди"

"Нима дейишим мумкин? Кучга тўла жамоа чарчаган жамоани мағлуб этди. Аммо ўйинни яхши бошлагандик. Вазиятларни назорат қилиб тургандик, тўсинни нишонга олдик. Гол эса бизнинг чарчоқларимиз нишони бўлди.

Кейинчалик "Сити" замонавий пенальти ишлади. Ҳа, мен шундай номлайман ва шу сабабдан қийин ҳолатга тушиб қолдик. Замонавий пенальти - тирноғингиз тегиб кетса ҳам бериладиган пенальти. Бу эса рақибга боғлиқ. Шундай ҳолатлар борки, сиз нафақат тирноғингиз, балки, бурун ва оёқларнинг учи билан тегиб кетсангиз пенальти қўйилади. ВАР эса контакт бўлганини тасдиқлаб беради. Контакт бўлмаганини эса исботлаб бера олмайсиз.

Футболчиларнинг ўз вазифасига қандай ёндашаётганидан мамнунман. Улар оғир ҳолатга тушиб қолишган бўлса-да, мардлик кўрсата олишяпти. Агарда жамоада бирдамлик бўлмаса. қаттиқроқ жазо олишади. Харри Кейн, Бен Дэвис, Хейбьерг каби футболчилар бор кучлари билан ҳаракат қилишмоқда. Аммо бизнинг ўйинни бузаётган нарсалар кичик хатолар бўляпти.

Барчаси бизга қарши ишламоқда. Иккинчи бўлим эса доимгиданда қийинлашиб кетяпти", - деди Моуриньо.