Мората - "Ювентус"нинг ҳужум чизиғи учун номзодлардан бири

Аркадиуш Милик билан бўлган музокаралар яхши кетаётгани айтилганига қарамай, "Наполи" билан музокаралар бошланмади.

"Кекса синьора" "Рома" ҳужумчиси Эдин Жекога қизиқишни сақлаб қолган. Клуб шунингдек "Атлетико" ҳужумчиси Альваро Моратани ортга қайтариш имкониятларини ўрганмоқда.

Номзодларни ўрганиш учун тез орада "Ювентус" бош мураббийи Андреа Пирло ва спорт директори Фабио Паратичи ўртасида учрашув бўлиши кутилмоқда.

Мората "Ювентус" таркибида 2014-2016 йиллар давомида ҳаракат қилган. Испаниялик форвард жорий мавсум "Атлетико" таркибида барча мусобақаларда 43та ўйин (11тасида захирадан ўйинга тушган)да майдонга тушиб, 16та гол ва 3та ассист қайд этди.