"Монако" "Ювентус"нинг уч ўйинчиси билан музокара олиб бормоқда
14 aug 2019 11:01
News

"Монако" "Ювентус"нинг уч ўйинчиси билан музокара олиб бормоқда

"Ювентус"нинг 3 ўйинчиси фаолиятини "Монако"да давом эттириши мумкин.

Бу ҳақда италиялик журналист Жанлука Ди Марцио хабар тарқатди.

Турин клуби спорт директори Фабио Паратичи Даниэле Ругани, Марио Манжукич ва Блез Матюидиларнинг трансферини муҳокама қилиш мақсадида француз клуби вакиллари билан учрашган.

Қайд этиш керакки, уч футболчи ҳам "Ювентус"да кам ўйин амалиётига эга бўлишмоқда.

Эслатиб ўтамиз, "Монако" Франция чемпионатидаги юришини омадсиз бошлади. Жамоа ўз уйида "Лион"га йирик 0:3 ҳисобида имкониятни бой бериб қўйди.