"Mixed zone". Владимир Назаров: "Стадионда супер муҳит яратган мухлислар фақат ғалабага лойиқ"

Кеча оқшомда ироқлик тенгқурларига қарши майдонга чиққан терма жамоамиз ирода кўрсатган ҳолда ғалабани ўзиники қилди. Пенальтилар сериясида рақибнинг зарбасини қайтарган Владимир Назаров учрашувдан сўнг фикрларини билдириб ўтди. 

"Биринчи галда мухлисларга ажойиб қўллаб - қувватлашгани учун раҳмат айтаман. Лекин турли буюмларни отишганини оқламайман. Улар фақат ғалабага лойиқлар. Дарвозабонимиз Абдувоҳид Неъматов қизил карточка олмаганида, балким ўйин сурати бошқача кечарди. Захирадан катта масъулиятни бўйнимга олиб тушдим. Осон бўлгани йўқ. Шу куни ҳаттоки, Ироқдан ҳам яхши ўйнадик. 

Кейинги босқичдаги рақибимиз кучли жамоа. Япония ҳам, Жанубий Корея ҳам осонликча мағлубиятга учрамайди. Лекин мақсадимиз йўлида олдинга қараб ҳаракат қиламиз", - дейди Назаров.