Миш-миш - эмасмиш! ФИФА “Сўғдиёна”га мурожаат билан чиқди

Сабаби, мураббийларнинг ўзи Зоминдаги стадионда футбол ўйнаб бўлмайди деб турган бир вазиятда жиззахликлар икки учрашувда рақиблар дарвозасини 10 марта ишғол қилиши ажабланарли ҳолат. Ваҳоланки, бу стадионда чемпионликни кўзлаётган, таркибида тажрибали футболчилар тўп сурадиган “Локомотив” 2тагина гол урганди. “Нефтчи” умуман голсиз қайтган. Хўп, жиззахликлар мезбон сифатида майдонга кўникиб олган дерсиз, унда “Навбаҳор” ва “Металлург” футболчиларичи?

Демак, мазкур жамоалар таркибида тўп сураётган футболчилар маҳорат бобида “Пахтакор”, “Локомотив”, “Бунёдкор”, “Насаф” аъзоларидан ўтиб кетибди-да! Энди терма жамоаларимиз таркибини ёппасига “Сўғдиёна”, “Металлург” ва “Навбаҳор” футболчилари билан тўлдирсак бўлаверар экан-да!?

Хуллас, айтишларича, бу учрашувлар ФИФАнинг ҳам эътиборини тортган ва беллашув ёзилган дискни сўраган. Қолганини вақт кўрсатади. Бу ёғига клубларимиз ўйлаб иш тутади деган умиддамиз.

Албатта буларнинг барчаси миш-миш, аммо миш-миш бўлмаслиги ҳам мумкин! Айтишадику, шамол бўлмаса дарахтнинг учи қимирламайди деб!