Миржалол Қосимов: "Рақибни менсимасдан ўйнаш керак эмас"

“Бугунги баҳснинг биринчи бўлимида ўйинимиз унчалик чиқмади. Иккинчи бўлимда захирадан тушган ёшлар ишончни оқлашди. Шу сабабли рақибни мағлуб этдик”, дейди Миржалол Қосимов.

“Бундай рақибни менсимасдан ўйнаш қимматга тушади. Футболчилар бемалолроқ ўйнашди ва бундан табиийки қониқмадим”.

“Гол урганимиздан сўнг яна ҳужумга ўтдик ва кутилмаганда тўп ўтказиб юбордик. Вьетнам қарши ҳужумда яхши ўйнашини билардик”.

“Бугун тажрибали ўйинчилар яхши ўйнамади демайман, шунчаки йигитлар рақибни менсимади ва улар ўйин темпини туширишди, кўрдинглар ётиб олишлар бўлди”.

“Элдор Суюнов ҳақида фикрим яхши, ёмон ўйнамади. Аслида бугун Вьетнамда жуда кам имконият бўлди”.

"Бугунги ўйин учун легионерларни жазолаб захирага ўтказиб қўймайсизми? Айтганимдек бу менсимаслик бўлди холос, улар ўз клубларида яхши уўйнашади. Лекин майдонга чиққанда охиригача ҳаракат қилиш керак. Ўйинчиларда доимо истак бўлиши керак".


Беҳзод Назаров ёзиб олди.