Миржалол Қосимов: Ҳозирги пайтда кўпроқ ўртоқлик учрашувлари керак

Миржалол ҚОСИМОВ (“Бунёдкор” бош мураббийи):
- Мавсумлар оралиғида сафимизни бир неча футболчилар тарк этишди. Уларни ўрнини ўз футбол мактабимиздан етишиб чиқаётган ёшлар билан тўлдирмоқчимиз. Шунингдек, бошқа жамоаларда ўзларини кўрсатган футболчилар ҳам жамоамизга таклиф этилган. Янгиларни бир жамоа сифатида жипслаштиришимиз учун кўпроқ ўртоқлик учрашувлари ўтказишимиз керак. Футболчилар тайёргарлик жараёнини яқинда бошлаганликлари боис бугун иккита ўйин ўтказдик ва бўлимларни 30 дақиқадан этиб белгиладик. Кейинги ҳафтага яна битта ўйин ўтказамиз ва шундан сўнг БААга йўл оламиз. У ерда ҳам 3та назорат учрашувини режалаштирганмиз.