Миржалол Қосимов: "Эртага ғалабадан бошқа натижа қониқтирмайди"

- «Фулад» - жуда яхши жамоа. Ҳали гуруҳдан чиқиш имкониятимиз бор. Бундан фойдаланишимиз шарт. Олдинги йилларда биринчи даврада 2 очко тўплаб кейин вазиятни ижобий томонга бура олгандик. Бу мавсумни Саудия Арабистонидаги дуранг ўйини билан бошладик. Кейин уйдаги икки ўйинда муҳим очколарни бой бердик. Энди сафарда бой берилган очколарни ўрнини қоплаш керак. Янги мавсумдан олдин таркибимизда катта ўзгаришлар бўлиб ўтди. «Фулад» сафида ажойиб футболчилар мавжуд. Жамоа бежизга Эронда чемпионлик учун курашмаяпти. ОЧЛдаги ёқимли анъанамизни давом эттириш учун ғалаба қозонишимиз шарт, - дейди Миржалол Қосимов.
 
- «Фулад» - кучли рақиб. Тошкентда «Фулад» билан дуранг ўйнагандик. Ўша баҳсда ғалаба қозонишимиз керак эди. Биринчи бўлимда ўйинимиз чиқмаганди, иккинчи бўлимда ўзимизга келгандик. Бу ерга ғалаба учун келдик, - дейди Сардор Рашидов.