Миржалол Қосимов: “Қизилқум” Бразилияга айланиб кетди, сабаби...”

“Бугун бир томондан қизиқарли, бир томондан тушунарсиз ўйин бўлди. Иккита гол уриб олдинда боришимизга қарамай, иккинчи бўлимни жуда  ёмон ўтказдик. Умуман ўйнай олмадик. Ечиниш хонасида ҳам йигитларга 90 дақиқа ўйнаш кераклигини айтдим.  Йигитлар тўхтаб қолишди. “Қизилқум” эса ҳаракат қилиб, керакли натижага эришди.  Ўйлайманки, бугун икки очко йўқотдик.  Биринчи бўлимдан кейин йигитлар “уч очкони қўлга киритдик” деб ўйлашди.

Танаффусда йигитларга биринчи бўлимдаги хатоларини кўрсатиб, иккинчи бўлимда ҳам худди шундай ўйнаб,  яна гол уриш кераклигини таъкидлагандим. Чунки турнир жадвалида тўплар нисбатимизни ҳам яхшилашимиз керак эди.

Ўйин охирида “Қизилқум” Бразилияга айланиб кетди (кулиб)... Сабаби биз ўйнамай қўйдик”, дея ўз  фикрларини билдириб ўтди Миржалол ҚОСИМОВ.

"Қизилқум" матбуот хизмати.