Миржалол Қосимов: "Охирги тур олдидан ҳеч нарса маълум эмас эди. Шу сабабли деярли асосий таркибни майдонга туширдик"

"Охирги тур олдидан ҳеч нарса маълум эмас эди. Бугунги ўйинларда исталган воқелик юз бериши мумкин эди. Шу сабабли биз деярли асосий таркибимизни майдонга туширдик. Деярли дейишимизга сабаб Ислом Тўхтахўжаев, Хуршид Ғиёсов ва Датси Клейдини захирада қолдирдик. Ёшларга имконият бердик. Ўйин ўзимизда бўлганидан кейин барибир ҳам мухлисларга байрам керак эди. Голларнинг кўплиги охиридаги ҳисоб-китоб учун ва албатта мухлисларимизни хурсанд қилиш учун лозим эди. Шу жиҳатдан олиб қаралганда биз мақсадимизга эришдик. 

"Навоий ФА" жамоаси йигитларидан ҳафа бўлмасликларини сўраб қолардик. Бу ўйин улар учун келажакка қўйилган қадам. Ҳа, йирик ҳисоб бўлди, аммо бу улар учун тажриба мактаби бўлади. Шундай ўйинларда тобланиб, улар кучлироқ футболчига айланишади. Ҳозирда футбол академияларига имкониятлар берилмоқда. Рақиб жамоа йигитларидан тушкунликка тушмасликни сўраб қолган бўлардим", - дейди Миржалол Қосимов.