Миржалол Қосимов: "Ҳар қандай мусобақада финалга чиқиш ёқимли"
22 oct 2019 20:45
News

Миржалол Қосимов: "Ҳар қандай мусобақада финалга чиқиш ёқимли"

Ўзбекистон Лига кубоги ярим финали доирасидаги АГМК - "Динамо" (3:0) учрашувидан кейин мезбонлар бош мураббийи Миржалол Қосимов ўз фикрларини билдирди.

"Финалга чиққанимиздан хурсандмиз. Ҳар қандай мусобақада финалга чиқиш ёқимли. Нафақат Ўзбекистон кубоги, балки Лига кубогида ҳам яхши натижа қилиш керак. Бу ҳам ўзига яраша тарих. Мавсум сўнггида ҳар уч кунда ўйин бўлмоқда, шу боис кичик ротация қилдик. Биринчи голдан кейин йигитлар бироз хотиржамликка берилишди. Футболда бу кўп кузатилади, иккинчи таймда барчасини жойига қўйдик ҳамда финалга чиқдик", - дейди Қосимов.