Миржалол Қосимов: "Эктор Купер? Менимча, ЎФА раҳбарияти барчасини тарозига қўйиб қарор чиқаради"

- "Эктор Купер? Мен бу вазиятни баҳолай олмайман. Бу масалани ҳал этадиган ва якуний қарорни қабул қиладиган ЎФА раҳбарияти бор. Менимча, улар барчасини тарозига қўйиб қарор чиқаришади. Ҳали Купер терма жамоамизга расман келгани йўқ. Шу боисдан тўйдан олдин ноғора чалмаган маъқул", деди Миржалол Қосимов.

ЎФА раҳбарияти терма жамоага мураббий тайинлаётганда ёки номзодларни кўриш жараёнида яқиндагина ташкил этилган мураббийлар кенгашидан (ЎФА эълон қилган МТЖ мураббийлар кенгашидан Шота Арвеладзе ("Пахтакор"), Рўзиқул Бердиев ("Насаф"), Миржалол Қосимов ("Бунёдкор") - "CA") тавсия ёки маслаҳатлар олдими, дейилган саволга "Бунёдкор" бош мураббийи Миржалол Қосимов қуйидагича жавоб берди:

- Мендан ҳеч ким маслаҳат сўрагани йўқ. Авваламбор хориждан мураббий келишини журналистлар кўп сўрашди, матбуотда бонг урилди. Марҳамат, мана терма жамоага четдан мураббий келяпти. Биз эса терма жамоамизга қўлимиздан келганича ёрдам беришга доим тайёрмиз.