Миржалол Қосимов: "Четлатишдан кейин имкониятимиз ошди"
26 sep 2020 20:41
News

Миржалол Қосимов: "Четлатишдан кейин имкониятимиз ошди"

Суперлига 17-туридан ўрин олган АГМК - "Қизилқум" (2:1) жамоалари ўртасидаги учрашувдан сўнг мезбонлар бош мураббийи Миржалол Қосимов фикрларини билдириб ўтди.

"Бугун ўзига яраша бир-бирига муносиб жамоалар тўқнаш келди. Қайсидир маънода дерби бўлди. Курашларга бой, жанговор ўйин кечди. "Қизилқум" жамоаси иккинчи даврада яхши савиядаги футболчиларни сафига қўшиб олди. Қолаверса охирги ўйинларда ёмон натижалар қайд этишмади. Бугун ҳеч қайси жамоа мағлубиятга учрагиси келмади.

Биринчи бўлимда ўзимизнинг хатомиз эвазига гол ўтказиб юбордик. Бу эса бизни янада олдинга боришга мажбур қилди. Рақиб сафидаги Эркин Байдуллаевнинг майдондан четлатилиши имкониятларимизни оширди дейишим мумкин. Ҳақли равишда ғалабани қўлга киритдик. "Қизилқум" жамоасига кейинги ўйинларда омад тилаб қоламан",- дейди Миржалол Қосимов.