Мирфайз Муҳиддинов: "Локомотив" кучли, аммо футболда мағлуб бўлмайдиган жамоа йўқ"
22 oct 2016 11:51
News

Мирфайз Муҳиддинов: "Локомотив" кучли, аммо футболда мағлуб бўлмайдиган жамоа йўқ"

"Бухоро” - “Локомотив” учрашуви олдидан Ёшлар лигаси доирасидаги ўринбосарлар баҳсида (2:2) мезбонлар жамоаси сафида фаол иштирок этиб иккинчи голга муаллифлик қилган Мирфайз Муҳиддиновнинг мазкур ўйин ҳамда олий лига доирасидаги ўйин ҳақидаги фикрлари билан қизиқдик.

- Ўйин жуда кескин ўтди. Гарчи майдонга ёшлар таркиби тушган бўлса-да бу “Локомотив” жамоаси эди. Ўйлайманки мураккаб жамоага қарши яхши баҳс ўтказдик. Қолаверса, биринчи даврада ўринбосарлар ўйинида ушбу жамоани ютганимиз учун ҳам ўзимизга бўлган ишонч юқори эди. Шу боис бутун ўйин давомида устунликни ўз қўлимизда сақлаб турдик. Фақатгина қўшиб берилган вақтнинг сўнгги сонияларида хотиржамликка берилдик шекилли гол ўтказиб юбордик. Бу пайтда назаримда вақт ҳам тугаб бўлгандек туюлганди. Қолаверса “Локо” гол уриши билан финал ҳуштаги чалинди.

Аммо нима бўлганда ҳам биз яхши ўйинларимиздан бирини кўрсатдик. Ўринбосарлар баҳсида ҳам натижага эмас, футболчилар ўйин сифатига кўпроқ эътибор қаратилади деб ўйлайман.

Эртанги ўйин? Тўғри “Локомотив” кучли жамоа, айни пайтда турнир етакчиси. Аммо футболда мағлуб бўлмайдиган жамоа йўқ. Акаларим ўз ўйинларини намойиш этишса насиб этса албатта ғалаба қозонамиз, - дейди Мирфайз Муҳиддинов.

"Бухоро" матбуот хизмати

Link :

Source : championat.asia

Receive latest football news directly on your phone. Subscribe for our Telegram channel!

Rating: +3