Мираброр Усмонов Фарғонада "Истиқлол" стадионини кўриб қайтди
19 nov 2014 15:38
News

Мираброр Усмонов Фарғонада "Истиқлол" стадионини кўриб қайтди

Сайтимиз орқали аввал хабар берганимиздек, кеча Миллий олимпия қўмитаси ва Ўзбекистон футбол федерацияси президенти Мираброр Усмонов бошчилигидаги делегация аъзолари водийга сафар уюштирди.

Дастлаб Андижонда бўлган меҳмонлар у ердан сўнг Фарғона томон йўлга чиқишди. Соат 13:00да Фарғона шаҳрига етиб келган делегация аъзолари янги қуриб битказилган "Истиқлол" номли стадионга ташриф буюриб, кўздан кечирди.

Шунингдек яқинда ишга тушиши кутилаётган футбол академияси биноси билан ҳам танишди. Қолаверса Фарғона олимпия захиралари коллежида бўлиб, у ерда йиғилиш ўтказилди. Унда Тошкентдан ташриф буюрган делегация вакилларидан ташқари вилоят ҳокими Шуҳратбек Ғаниев, вилоят футбол федерацияси вице-президенти Салимжон Зокиров, Нефтчи клуби раиси Тоҳир Кападзе, жамоа бош мураббийи Мурод Исмоилов ҳамда "Қўқон-1912" клуби вице-президенти Бахтиёржон Толипов ва бош мураббий Рустам Абдуллаев ҳам иштирок этди.

Йиғилиш мобайнида вилоят спортида олиб борилаётган ишлар ҳақида илиқ фикрлар билдирилди ва Мираброр Усмонов вилоят ҳокимига Ўзбекистон футбол федерациясининг кўкрак нишонини топширди.

Шу тариқа Тошкентдан келган меҳмонларнинг сафари якунланди.

Link :

Source : championat.asia

Receive latest football news directly on your phone. Subscribe for our Telegram channel!

Rating: