Милнер "Ливерпуль"га нима етишмаётганини айтди

"Йилдан йилга кучайиб бораётганимизни сезяпмиз. Бизга фақатгина совринлар етишмаяпти. Бу биз учун олдинга ташланган қадам бўларди. Исталган топ-клубни мағлуб эта олишимизни тушуниб турибмиз. Ўтган мавсумда ҳам бизга барқарорлик етишмаганди. Баъзида оддий ўйинларда мағлуб бўлардик, баъзида топ-жамоаларни осонлик билан ютардик.

Терма жамоадан кейин клуб таркибида ўйнаш бироз қийинроқ. Аммо олдимизда "Тоттенхэм"ми ёки бошқа жамоа бўлса ҳам фарқи йўқ, бизга уч очко керак ва буни қўлга киритишга қаттиқ ҳаракат қиламиз", - деди Милнер.