Милнер: “Англияда ажойиб жамоа йиғилган”

Англия ўз ўйинларини шанбадан якшанбага ўтар кечаси Италия терма жамоасига қарши ўйин билан бошлайди. Уларнинг гуруҳида яна бир етакчи жамоа, Уругвай бор. Сўнгги аъзо эса Коста Рика.

“Биринчи ўйин доим муҳим бўлган. Айнан шу ўйинда кейинги баҳслар учун рух жамланади” – деб ҳисоблайди Милнер.

“Бизда ажойиб жамоа йиғилган. Кўпчилик футболчилар ўз клублари билан ажойиб мавсум ўтказишган ва ҳозир зўр формада. Бизда ёши катта футболчиларнинг тажрибаси ва ёшларнинг ғалабага бўлган хоҳиши бор. Ўйлашимча, бу икки омил жамоага фойда беради”.

“Албатта гуруҳимизга дунёдаги энг кучли терма жамоалар йиғилган. Аммо мен жамоамизга тўлиқ ишонаман, биз кўп нарсага қодирмиз”.