"Милан"да бош мураббий истеъфога чиқарилиши мумкин
02 oct 2017 21:31
News

"Милан"да бош мураббий истеъфога чиқарилиши мумкин

"Corriere dello Sport" нашрининг маълумотига кўра, "Милан" раҳбарияти Италия А Серияси 8-тури доирасида "Интер"га қарши ўйиндан сўнг жамоа бош мураббийи Винченцо Монтеллани истеъфога чиқариши мумкин.

Эслатиб ўтамиз, "Интер" ва "Ювентус" 19 очкодан тўплаб иккинчи ва учинчи ўринларни бўлишиб турган бир пайтда "россонерлар" бор йўғи 12 очкога эгалар. "Милан"ни кейинги мавсумдаёқ Чемпионлар лигасига қайтармоқчи бўлган янги раҳбарлар жамоанинг охирги пайтлардаги муваффақиятсизликларидан норозилар. Шунинг учун ҳам, улар Милан дербисида мағлуб бўлишса "россонерлар" бош мураббийи ўз жойини бўшатиб қўйиши мумкин.