“Милан” Холандга катта маош таклиф қилди

“Ред Булл Зальцбург” ҳужумчиси Эрлинг Холанд фаолиятини “Милан”да давом эттириши мумкин. Таъкидланишича, миланликлар 19 ёшли ҳужумчига 5 йиллик шартнома ва йилига 5,5 млн евролик маош таклиф қилган.

Аввалроқ “Ювентус” Холанда бонуслар билан бирга йиллик 3 млн евро маош таклиф этганди. Айни дамда ҳужумчига “Манчестер Юнайтед”, “Челси” каби клублар жиддий қизиқиш билдирмоқда.

“Милан”эса футболчини январдаёқ ўз сафига қўшиб олиш ниятида. Трансфер миланликлар учун 30 млн еврога тушиши мумкин.

Холанд жорий мавсум 28 та ўйинда, 22 та гол урди ва 7 та голли узатма берди.