"Микст зона". Аббос Файзуллаев: "Бир киши кам бўлиб қолсакда, руҳимизни туширмадик"

Мазкур ўйиндан сўнг ярим ҳимоячи Аббос Файзуллаев фикрларини билдириб ўтди. 

"Ироққа қарши ўйин икки ҳисса қийин кечди, дея оламан. Жамоадошимиз учун ҳам ҳаракат қилдик. Бир киши кам бўлиб қолганимизга қарамай, руҳимиз тушмади. Қизил карточка бўлиб турадиган ҳолат. Иккинчи ўйинда ҳам мухлислар стадионда ажойиб атмосфера яратишди. Бу бизга қўшимча куч берди. Улар учун ҳам ютишимиз керак эди. Ишқибозлар биздан ҳар бир ўйинда ғалаба кутади. Умид билан келади. 

Иккинчи бўлимда ўйиндан келиб чиқиб тактика танладик. Бир киши кам бўлган вақтда бўш худудларни ёпиш лозим. Шу боис ҳимояда қарши ҳужумда тўп тепдик. Муҳими ғалаба",- дейди Аббос Файзуллаев.