“Металлург” – Тошкент вилояти Кубоги соҳиби!

Вилоят Кубоги финалига етиб келган “металсозлар” ҳал қилувчи баҳсда Бекободнинг “Мустақиллик” жамоасига қарши майдонга чиқди. Ўз вақтида олий лига вакили “Металлург” клуби таркибида тўп суриб, маҳаллий мухлисларнинг ёқимтойига айланган Баҳром Умаров бугунги кунда мураббийлик қилмоқда. Унинг қўл остида “Мустақиллик” илк мавсумдаёқ вилоят Кубогининг финалига етиб келди.

Финал баҳси қизиқарли, хавфли вазиятлар ва голларга бой тарзда ўтди. Ҳисобни ёш жамоа аъзолари – “Мустақиллик” очди. Аммо тажрибасизлик якунда уларга панд берди. Тажрибали рақиб биринчи бўлимнинг ўзидаёқ ҳисобни тенглаштирди. Иккинчи бўлимда иккинчи голни ҳам уришди. Бироқ бекободлик ёшлар ўз иродаларини намойиш қилиб, вазиятни ўнглашди. Лекин уларнинг хурсандчилиги узоққа чўзилмади. Боиси, “Металлург”нинг тажрибали бўйдор футболчиси бош билан дарвозанинг тўққизлигини нишонга олиб, ҳимоячиларга ҳам, дарвозабонга ҳам ҳеч қандай имконият қолдирмади. Бу гол ўйин тақдирини ҳал қилди.

ТОШКЕНТ ВИЛОЯТИ КУБОГИ
МЕТАЛЛУРГ (Олмалиқ) – МУСТАҚИЛЛИК (Бекобод) – 3:2 (1:1)
21 сентябрь. Юқори Чирчиқ. “Аҳмад Яссавий” стадиони.
Бош ҳакам: Даулетбой Жалимов (Қорақалпоғистон).
Қанот ҳакамлари: Илҳом Абдулаков (Тошкент вилояти), Ойбек Умаров (Тошкент).
Назоратчи: Раҳматилло Қоратоев (Тошкент вилояти).  
“Металлург”: Шаҳзод Ортиқов, Дилшод Абдукаримов, Жамшид Раҳматуллаев, Дониёр Жўраев, Илҳомжон Қорабоев, Фаррух Норматов, Рустам Мирзаев, Элбек Жўраев, Бекзод Тожибоев, Жамшид Турдиев, Бобур Сайдазов.
Захирадагилар: Жонибек Ўткиров, Даврон Расулжонов, Шарофиддин Убайдуллаев, Азамат Абдуқодиров, Мирзали Турдалиев, Хуршидбек Абдурасулов, Элёр Маликов.
Бош мураббий: Дилшод Ҳабибуллаев.
“Мустақиллик”: Нодир Нишонов, Азиз Деҳқонов, Олим Бойназаров, Баҳодир Рўзматов, Баҳодир Ўрмонов, Илёс Мамалатипов, Жўшқин Отабеков, Умид Саидов, Жамшид Нурматов, Жамол Абдусаломов, Жасур Ҳожиматов.
Захирадагилар: Шаҳбоз Турсунов, Дилшод Сатторқулов, Нажмиддин Абдусаломов, Фарҳод Жабборов, Дадамуҳамедов, Муҳиддин Мамараимов, Отабек Ўрмонов.
Бош мураббий: Баҳром Умаров.
Голлар: Жўшқин Отабеков, 32 – 0:1. Бекзод Тожибоев, 45 – 1:1. Даврон Расулжонов, 48 – 2:1. Умид Саидов, 72 – 2:2. Илҳомжон Қорабоев, 73 – 3:2.