"Металлург" кетма-кет учта ўйинда ҳисобда олдинда бориб ютқазди
30 aug 2013 17:54
News

"Металлург" кетма-кет учта ўйинда ҳисобда олдинда бориб ютқазди

Олий лигада мунтазам равишда иштирок этиб келаётган Бекободнинг "Металлург" клуби иккинчи даврани у қадар муваффақиятли бошлай олмади.

Клуб 15-турда сафарда "Бухоро"га қарши майдонга тушган Рустам Мирсодиқов шогирдлари ҳисоб очишганди. Аммо якунда майдон эгалари учта гол уриб иродали ғалабага эришишганди - 3:1.

Кейинги турда "Металлург" ўз уйида "Бунёдкор"ни қабул қилди. Биринчи бўлимда бекободликлар 2:1 ҳисобида олдинда боришаётганди. Бироқ учрашув тугаганида ҳисоб 2:3га ўзгарганди.

Сўнгги 17-турда "Металлург" Тошкент вилояти дербисида "Олмалиқ" меҳмони бўлишди. Учрашувдаги ҳисобни Жасур Бобоев очди. Аммо бу сафар ҳам рақиблар "Металлург"ни мағлуб этиб кетишди - 2:1.

"Металлург" кейинги турни ўз уйида "Гулистон"ни қабул қилади.

Айни пайтда Рустам Мирсодиқов шогирдлари 17та ўйиндан 25 очко тўплаб мусобақа жадвалининг 6-поғонасида боришмоқда.

Link :

Source : championat.asia

Receive latest football news directly on your phone. Subscribe for our Telegram channel!

Rating: