"Металлург" черногориялик форвард билан хайрлашди. Жамоага либериялик ҳужумчи келмоқда

Бобан Жоржевич 2024 йилги мавсум бошида "Металлург" таркибига келиб қўшилган эди. Мураббийлар штаби унга Суперлиганинг 9 та учрашувида майдонга тушиш имкониятини берди. Шулардан 4 тасини бошланғич таркибда, 5 тасини эса захирадан ўйинга қўшилиш тарзида тақдим этишди. 

Бобан Жоржевич "Металлург" таркибидаги 388 дақиқалик фаолияти давомида 1 та голли узатмани амалга оширди – у 1-турда "Локомотив"га қарши ўйинда Аброр Тошқўзиев голига ассистентлик қилди. 

Championat.asia сайти бош муҳаррири Нарзулла Сайдуллаевга кўра, "Сурхон" ҳужумчиси Сильванус Нимели иккинчи даврани "Металлург" сафида бошлашга яқин. 

Аввалроқ "Сурхон" устози Февзи Давлетов Нимели ҳақида берилган саволга "No comment" дея жавоб қайтарган эди.