"Металлург": Ассалом футбол баҳори!
04 mar 2016 17:34
News
Ўзбекистон XXV миллий чемпионати эшик қоқмоқда. 5 март куни республикамизнинг бешта стадионида янги мавсумнинг байроқлари кўтарилади. Бекобод шаҳримиздаги “Металлург” стадионида майдон эгалари – “Металлург” Жиззахнинг “Сўғдиёна” жамоасини қабул қилади. Биз барча футбол ишқибозларини, “Металлург” жамоасининг фидойи мухлисларини янги мавсум билан, футбол баҳорининг бошланиши билан самимий табриклаймиз! “Металлург” жамоамизга эса Ўзбекистон XXV миллий чемпионат ўйинларида омад ёр бўлишини тилаймиз. Чиройли, ғалабали ўйинларинг билан ишқибозларингни шод эт, “Металлург”!
Бу йилги иштирок “Металлург” жамоасининг мамлакат чемпионатларидаги 19-мавсуми бўлади. Ортда қолган чемпионатлар давомида бекободликлар жами 524 та учрашувда майдонга чиқишган. Шуларнинг 167 тасида “Металлург” футболчилари ғалаба қозонишган. 106 ўйинда кучлар тенг келган бўлса, 251 та учрашувда рақиблар зафар қучишган. Киритилган ва ўтказиб юборилган тўплар фарқи: 651-860. Ўзбекистон чемпионатларида “Металлург” жамоаси 607 очко жамғарган.
“Металлург” Ўзбекистон чемпионатлари тарихидаги энг яхши натижани 2002 йилда қайд этган, 30 та ўйинда 48 очко жамғарган бекободликлар мусобақа жадвалининг 5-ўринидан жой эгаллашган. Ўтган мавсум эса севимли жамоамиз 30 та учрашувда 39 очко жамғарган ҳолда 9-ўриндан жой эгаллади.Similar news
![AMP Logo](https://championat.asia/image/logo-amp.png)
Comments