"Металлург": Асосий таркиб Тошкентда, ўринбосарлар эса Бекободда йиғин ўтказади
07 jan 2021 14:37
News

"Металлург": Асосий таркиб Тошкентда, ўринбосарлар эса Бекободда йиғин ўтказади

Мамлакат миллий чемпионатининг янги мавсумига илк тайёргарлик жараёнини Бекободнинг “Металлург” жамоаси Тошкентда бошлайдиган бўлди.

Футболчилар ва мураббийлар штаби 11 январь санасида пойтахтимиздаги “Ўзбекистон” меҳмонхонасида тўпланишади. Машғулотлар табиий қопламали майдонларда ўтказилиши режалаштирилмоқда. Ўз навбатида йиғин давомида бир қатор кўрик назорат учрашувларини ўтказиш борасида спарринг рақиблар билан музокаралар ҳам олиб борилаяпти.

Ўтган мавсум кашфиёти бўлган “Металлург” U 21 жамоасининг йиғини эса 21 январь санасига мўлжалланган. Бу йил ёшлар таркиби кескин ёшартирилиши кутилмоқда. Асосий эътибор 2003-2004 йилларда туғилган йигитларга қаратилади. Машғулотлар эса Бекобод шаҳридаги “Металлург” стадиони ва футбол академиясининг сунъий қопламали майдонларида олиб борилади.

Ёшлар жамоамиздан ташқари асосий таркибда ҳам бир қатор ўзгаришлар бўлиши кутилмоқда. Клуб билан шартнома муддати тугаган айрим футболчиларга рухсат берилади. Ўз навбатида барча чизиқларни кучайтириш мақсадида янги ўйинчиларни жамоага таклиф этиш борасида ҳам селекция ишлари олиб борилмоқда.

Link :

Source : "Металлург" матбуот хизмати

Receive latest football news directly on your phone. Subscribe for our Telegram channel!

Rating: +3