"Металлург" - АГМК учрашуви меҳмонлари "VIA Marokand" ва "Уммон"

Ушбу учрашувга ташриф буюрган мухлислар учун “Металлург” ПФК бир қатор қулайликлар яратмоқда. Жумладан, стадион ҳудудидаги Metallurg FC фасд-фуд (озиқ-овқатлар сотуви), Metallurg Store атрибутикалар дўкони, болалар учун кўнгилочар ўйинлар майдончаси сиз азизларга мунтазир. Ўйин давомида ҳам мухлисларни ажойиб сюрпризлар кутмоқда. Ўйиндан кейин энг фоал ишқибозларга футбол тўплари ҳамда клуб футболкалари тарқатилади.

Учрашувга вақтлироқ келаверинг, зерикиб қолмайсиз. Шу куни ёшлар орасида энг оммавий бўлган эстрада гуруҳлари Сиз азиз ишқибозларнинг хизматида бўлишади. Соат 18:30 дан эътиборан “Уммон” ҳамда "ВИА Мароқанд" гуруҳлари сизларни стадион трибуналарига чорлайди. Бу машҳур гуруҳларимиз концерт дастурлари Сиз азиз томошабинларга манзур бўлишига шубҳа йўқ.

“Металлург” – АГМК дербисига чипталарни “Металлург” стадиони кассаларидан харид қилишингиз мумкин. Эслатиб ўтамиз, ўйин 10 май куни соат 20:30 да, "ВИА Мароқанд" ҳамда “УММОН” эстрада гуруҳлари чиқиши 18:30 да бошланади. Барча футбол ишқибозларининг оилавий ташрифини кутиб қоламиз, - дейилади "Металлург" клуби расмий каналида.