“Металлург”: 5 нафар янги ўйинчи расман жамоа аъзосига айланди
27 jul 2016 16:07
News

“Металлург”: 5 нафар янги ўйинчи расман жамоа аъзосига айланди

Бугун давралар оралиғида “Металлург” таркибига келиб қўшилган 5 нафар ўйинчи Ўзбекистон футбол федерацияси Профессионал футбол лигасининг спорт бўлимидан расман рўйхатдан ўтказилди.

Қўшимча буюртмадан ўрин эгаллаган футболчиларнинг 4 нафари ҳужумчи, бир нафари эса ҳимоячидир.

Булар – Фаррух Шотурсунов, Сардор Расулов, Шерзод Жалилов, Сардор Иномжонов ҳамда Муҳаммаджон Султоновлардир. Сардор Иномжонов “Металлург” тарбияланувчиси ҳисобланади. У ўтган йили Жиззахнинг “Зомин” жамоасидан тушган таклифга розилик билдирганди. Иномжоновдан ташқари қадрдон жамоасига Сардор Расулов ҳам қайтди. У олти ой мобайнида “Шўртан” таркибида фаолият олиб борди. “Металлург” мураббийлари “Обод” жамоасида тўп сурган Шерзод Жалилов ҳамда “Сўғдиёна”дан таркибга келиб қўшилган Фаррух Шотурсуновларга катта умид билдиришаяпти. Тошкент вилоятининг Бўка туманида туғилиб, пойтахтнинг “НБУ-Осиё” жамоасида ўйнаб келган Муҳаммаджон Султонов таркибга қўшилганлар орасида энг ёш футболчидир. Мазкур футболчиларга “Металлург”да қуйидаги рақамлар тегди:

№	Исми шарифи	Туғилган санаси	Амплуаси	Сўнгги жамоаси
11	Фаррух Шотурсунов	11.05.1992	Ҳужумчи	“Сўғдиёна”
21	Сардор Расулов	5.09.1989	Ҳужумчи	“Шўртан”
23	Шерзод Жалилов	23.02.1991	Ҳимоячи	“Обод”
51	Муҳаммаджон Султонов	9.06.1997	Ҳужумчи	“НБУ-Осиё”
55	Сардор Иномжонов	9.12.1993	Ҳужумчи	“Зомин”