Месут Ўзил: “2010 йилги ЖЧдан кейин “Барселона”га ўтишим мумкин эди”
02 mar 2017 23:04
News

Месут Ўзил: “2010 йилги ЖЧдан кейин “Барселона”га ўтишим мумкин эди”

“Арсенал” ярим ҳимоячиси Месут Ўзил 2010 йилги Жаҳон чемпионатидан сўнг “Барселона”га ўтишга яқин бўлганлигини ўзининг янги китобида айтиб ўтган.

“Жаҳон чемпионатидан кейин “Арсенал” билан бирга “Манчестер Юнайтед”, “Бавария”, “Барселона” ва “Реал” мени ўз сафида кўришни истаганди.

Менинг агентим “Бавария” вакиллари билан ушбу жамоага ўтишимни муҳокама қилишганди. Клубдагилар унга мендан қайси ҳолатда фойдаланишлари ҳақида айтишган. Бошқа клублар билан ҳам шундай ҳолат такрорланган.

Мен “Барселона”га ўтишимга ишонгандим. Чунки дунёдаги ҳеч бир жамоа “Барселона” сингари чиройли ўйин кўрсатмасди. Аммо жамоанинг ўша пайтдаги мураббийи Гвардиола жамоага ўтишим билан боғлиқ музокараларда иштирок этмади ва менга муҳокамалардан кейин телефон ҳам қилмади.

У менинг трансферимга қизиқиш билдирмади. Шу сабаб “Барселона”га ўтишга бўлган қизиқишим дарров сўнганди”, дейди Ўзил.

Link :

Source : AS

Receive latest football news directly on your phone. Subscribe for our Telegram channel!

Rating: +9