Latest news

02:00"Интер" президенти А Серия даражасини баҳолади  1 01:29Бундеслига. "Бавария" йирик ғалаба қайд этди, Харри Кейн мавсумдаги 10-голини урди  1 01:10Энцо Мареска: "Дарвозабонлар бўйича муаммо йўқ"  2 00:57Саудия Арабистони. "Ал Насср" Мане ва Роналдунинг голлари эвазига "Ал Иттиҳод"ни мағлуб этди  15 00:33"Ливерпуль" Кьеза борасидаги қарорини ўзгартирди  1 00:14"Барселона"нинг икки футболчиси қанча муддатга сафдан чиққани аниқ бўлди  3 23:48Руни Экитике ҳақида: "Аҳмоқона ҳаракат. ВАР замонида голни текширувдан кейин нишонлаш керак"  2 23:15"Олтин тўп-2025". Ким қанча овоз тўплади?  3 22:54Максим Шацких: "Нима, ҳар бир ўйинда 5тадан гол уришимиз керакми? Бу "Барселона" эмас, "Андижон"  5 22:43Расман: "Манчестер Сити" Нико О'Райли билан шартномани узайтирди  1 22:19“Андижон” – ОКМК учрашувидаги баҳсли вазият бўйича изоҳ  9 21:58Миржалол Қосимов: "Мағлубиятга лойиқ ўйин кўрсатмадик"  4 21:37Мирко Йеличич: "Натижадан мамнунман, аммо ўйинимизни яхшилашимиз керак"  0 21:20Неъматулла Қуттибоев: "Ҳали ҳеч ким ҳеч нарса йўқотмади. Кураш сўнгги тургача давом этади"  0 20:59Суперлига. "Андижон" ўз майдонида ОКМКдан устун келди  49

Мессига ўхшатиши, Ўзбекистон U-17 термаси ўйини ва дерби ҳақида - Аббос Файзуллаев билан интервью News

Мессига ўхшатиши, Ўзбекистон U-17 термаси ўйини ва дерби ҳақида - Аббос Файзуллаев билан интервью

ЦСКА футболчиси Аббосбек Файзуллаев "Динамо"га қарши ўйиндан кейинги фикрларини билдирди.

- Дерби қизиқарли ўтди. Биринчи бўлимни яхши ўтказдик, яхши ўйнадик, бироқ янада кўпроқ голлар уришимиз керак эди, ура олмадик. Биз вазиятлардан фойдаланиш борасида ишлашимиз керак. Умуман олганда биринчи бўлимдаги ўйин жуда очиқ ўтди, кўп ҳужумлар бўлди. Ишлашда давом этишимиз керак.

- Негадир ЦСКА "Динамо" билан ўйинларда жуда қийналади. Бу борада сизларда қандайдир тушунчалар борми?

- Улар ҳам яхши жамоа, таркибида яхши футболчилар кўп, индивидуал тарафлама кучли. Биз ҳам ҳар бир учрашувда ғалаба қозониш ҳақида ўйлаяпмиз, бироқ бугун бундай бўлмади. Навбатдаги ўйинда мухлисларни хурсанд қилишга ҳаракат қиламиз.

- Ўйин якунида ҳимоявий ўйин кўрсатишнинг қандай бўлишини "Факель" билан ўйинда кўрдик. Учрашув тугаши арафасида ЦСКАнинг ҳимояга ётиб олиши сабаби нима билан боғлиқ?

- Ҳеч нима билан боғлиқ эмас. Баъзида ўйинда ғалаба қозониб турган вақтда ҳисобни ушлаб туриш керак бўлади. Баъзида эса ҳужум қилмасдан ҳудудларни ёпишни вазият талаб қилади. Бизга ҳужум қилиш учун имконият беришмади, шу сабабли баъзида шундай бўлиб туради.

- Балки жамоада ҳимояда ҳам ҳужумда босим қилишда ҳам концентрация етишмаётгандир?

- Аслида барчамиз ҳимояга ишлашимиз керак, чунки ҳужум ҳимоядан бошланади. 

- "Динамо"нинг ғалаба голидан кейин Мойзес марказдаги футболчиларга эътироз билдирди. Бу эътироз Сизга аталмаганмиди?

- Тўғриси, испанчани билмайман, унинг гапларини тушунмадим.

- Бугунги гол+пасдан мамнунмисиз? Умуман олганда Сизни ушбу мавсумда энг ёрқин футболчилардан бири сифатида кўришмоқда. Самарадорлигингиз ўзингизга маъқул келяптими?

- Мен шунчаки ўйинларда ғалаба қозонишни истайман.

- Совринни назарда тутяпсизми ёки якуний ҳисобни?

- Мен учун жамоанинг ғалабаси муҳимроқ.

- Бугун Ўзбекистон термасининг U-17 жаҳон чемпионатидаги ўйинини томоша қилдингизми?

- Ҳа, томоша қилдим. Жамоа зўр ўйнади, охиригача курашди. Уларга қойил қолдим.

- Сўнгги пайтларда ўзбек футболидаги бундай ўсишнинг сабаби нимада деб ўйлайсиз? Сиз бу ерда ажойиб ўйнаяпсиз, у ерда ўзбек жамоалари ҳам ўзини кўрсатмоқда.

- Ўзбекистонда ёшлар доимо яхши бўлишган, иқтидорлилар кўп. Бизда футбол яхши ривожланмоқда. 

- Нима сабабдан?

- Инфратузилма. Яхши стадионлар қурилмоқда, кўп пул ажратилмоқда, академиялар яратилмоқда.

- Сизни Ўзбекистон Мессиси дейишмоқда. Бу фикрга қўшиласизми?

- Мессини яхши кўраман, аммо Аббос бўлишни истайман. У каби бўлиш осонмас.

Rating: +12   

Comments

championat.asia
< show latest news
Яндекс.Метрика