Месси "Интер"га қарши ЕЧЛ ўйинигача тикланиши мумкин
30 sep 2019 13:15
News

Месси "Интер"га қарши ЕЧЛ ўйинигача тикланиши мумкин

"Барселона" етакчиси Лионель Месси Чемпионлар лигаси доирасида "Интер"га қарши ўтказиладиган учрашувгача жароҳатдан тикланиши мумкин.

Бу ҳақда "Diario Sport" нашри хабар берди. Манбанинг маълумотига кўра, аргентиналик "Вильярреал"га қарши ўйин (2:1)да олган жароҳатидан кутилгандан кўра тезроқ тузалмоқда.

Хабар қилинишича, футболчининг тикланиши шу темпда давом этса, уни "Интер" билан ўйин қайдномасига қўшишни ўйлашмоқда.

"Барселона" Мессининг саломатлигига катта эҳтиёткорлик билан қарамоқда. Унинг "нерадзуррилар" билан ўйинда иштирок этиши ўйиндан олдингина маълум бўлади. Мураббийлар штаби футболчининг соғлиғи билан таваккал қилмоқчи эмас.