Месси: "Интер Майами"ни МЛСнинг, агар имкони бўлса дунёнинг энг яхши клубига айлантирмоқчимиз"

"МЛС Кубогида зафар қучиб, яна бир совринни қўлга киритамиз деб умид қиламан. Фақатгина ўзим учун эмас, балки бу йўлда кўп машаққат чеккан клуб учун айтяпман.

Ушбу соврин "Интер Майами" ўсиши учун жуда муҳим, айниқса чемпионлик руҳини яратишга катта ёрдам беради.

Соврин ютиб, клубимизга бўлган қизиқишни сақлаб қолсак яхши бўларди. "Интер Майами"ни МЛСнинг, агар имкони бўлса дунёнинг энг яхши клубига айлантирмоқчимиз.

Бизда чекловлар йўқ. Буни клуб эгалари ҳар доим айтиб келган. Уларнинг фалсафаси шундай - доимо каттароғига интилиш.

Соврин ютиш ўсишга катта ёрдам беради деб ўйлайман. Биз ўзимиз иштирок этаётган барча турнирларда ғолиб чиқмоқчимиз. Жамоа нимага қодирлигини вақт кўрсатади" - деди Месси.