Месси, Дибала, Лаутаро ва Гомес Аргентина термасига чақирилди
05 oct 2020 20:23
News

Месси, Дибала, Лаутаро ва Гомес Аргентина термасига чақирилди

Аргентина терма жамоаси мураббийлар штаби 2022 йилги жаҳон чемпионати саралаш босқичи доирасидаги Эквадора ва Боливияга қарши ўйинлар учун қайдномани чақирув олган футболчилар рўйхатини эълон қилди.

Рўйхатдан 28 нафар ўйинчи жой олган. Хусусан, "Барселона" сардори Лионель Месси, "Ювентус" вакили Пауло Дибала, "Интер" ҳужумчиси Лаутаро Мартинес, ПСЖ ярим ҳимоячиси Леандро Паредес ва "Аталанта" хавбеки Алехандро Гомес.

Эслатиб ўтамиз, Месси 2019 йилги Америка кубогида ўтказилган Чилига қарши 3-ўрин учун баҳсдан кейин КОНМЕБОЛ манзилига йўлланган танқидий сўзлари учун 3 ойга халқаро ўйинлардан четлатилган эди.

У Аргентина термаси сафида сўнгги бор 2019 йилнинг ноябрида Бразилия ва Уругвайга қарши учрашувларда ўйнаган эди.

Эквадор ва Боливияга қарши ўйинлар 8 ва 13 октябрь кунлари ўтказилади.

Link :

Source : twitter.com/Argentina

Receive latest football news directly on your phone. Subscribe for our Telegram channel!

Rating: +6