Месси раҳбариятдан "Аталанта" футболчисини сотиб олишни сўраганди. Барчаси шундан бошланган

Лионель Мессининг кетишига, "Барселона" клубининг трансфер сиёсатидаги нўноқлик сабаб бўлган. Бу ҳақида Mundo Deportivo хабар бермоқда.

Месси раҳбариятдан "Аталанта" ҳимоячиси Кристиан Ромеронинг трансферини сўраган. Клуб эса бу трансферни амалга оширишни уддалай олмаган. Икки томон орасидаги муносабатлар эса айнан шундан сўнг ёмонлашган. Қайд этиш жоизки, "Барселона" Мессининг кетишига Ла Лига қонунлари сабаблигини кўрсатганди. Аммо, баъзи манбаларнинг хабар беришича, бу шунчаки каталон клуби томонидан ишлатилган баҳона саналади.

Эслатиб ўтамиз, "Барселона" Ромеро учун 40 млн таклиф қилганди. "Аталанта" эса футболчи учун 50 млн сўраган.