"Мен ҳали лигага кўникиш жараёнидаман" — Расмус Хойлунд

"Манчестер Юнайтед" ҳужумчиси Расмус Хойлунд клубга мослашиш жараёни ҳақида тўхталиб ўтди.

"Мен ҳали лигага кўникиш жараёнидаман. Ҳар куни ўсиб боряпман, жамоадошларим ҳам менга кўникиб боришмоқда. Мавсумни яхши бошладим, лекин кўпроқ гол уриш учун ўйиндаги боғламлар устида ишлашимиз керак", – деди футболчи.

Даниялик ўтган ёзда "Аталанта"дан "Манчестер Юнайтед"га ўтганди. Трансфер суммаси 75 миллион еврони ташкил қилди. 20 ёшли ҳужумчи жорий мавсум барча турнирларда 10 та ўйин ўтказиб, 3 та гол уришга муваффақ бўлди.