Мексика-2011 қаҳрамонлари. Жасур Ҳакимов: "Ўсмирларимиздан совринли ўринлардан бирини кутмоқдаман"

Бугун бўлиб ўтадиган Ўзбекистон - Панама учрашуви ҳақида "Пахтакор" клуби ва собиқ ўсмирлар терма жамоаси футболчиси Жасур Ҳакимов ўз фикрларини билдириб ўтади.

"Мана шу ўсмирлар жамоамиз жуда кучли шаклланган ва яхши мураббийга эга терма жамоадир. Улардан беммалол совринли ўринлар учун курашувчи жамоа деб билмоқдаман. Улар буни эплай оладилар деб ўйлайман. Биринчи ўринда уларга омад тилайман. Ўйлашимча бугун ўсмирларимиз  ғалаба қозонса гуруҳдан чиқа олади. Кайфиятини зўр қилиб майдонга тушса, ҳаяжон босилиб натижага эришса бўлади.

Мексикадаги биринчи ўйинда битта голдан сўнг йигитларимизда ишонч йўқолди ва кетма-кет яна учта тўп ўтказиб юбордик. Йигитлар ҳар қандай ҳолатда ҳам ўзларига бўлган ишончни сақлаб қолишсин. Юртимизга ёруғ юз билан қайтишади насиб бўлса" - дея фикрларини билдириб ўтади "Мексика-2011" иштирокчиси Жасур Ҳакимов.