Мбаппе ва Винисиус ўртасидаги зиддият кучайиб бормоқда

Бу ҳақда "Don Balon" хабар берди.

Манбага кўра, Винисиус Мбаппенинг камдан-кам ҳолларда тўп узатишидан ва ҳужумларни ўзи якунлашни афзал кўришидан норози. Бразилиялик ҳужумчи аллақачон кийиниш хонасида норозилигини билдириб, францияликнинг худбинлиги жамоани "ўн киши билан ўйнашга" мажбур қилганини таъкидлаган.

Клуб ичидагиларнинг таъкидлашича, футболчилар ўртасида етакчилик, жамоадаги таъсир ва индивидуал мукофотлар — Ла Лиганинг энг яхши тўпурарлигидан тортиб "Олтин тўп"гача бўлган кураш авж олган.

Можаро, айниқса, яқинда бўлиб ўтган "Эл Класико"дан кейин кучайган, ўшанда Винисиус Мбаппе унга тўп узата олмаган воқеага жиддий реакция билдирган. Ўшандан бери футболчилар ўртасидаги зиддият фақат кучайди.

"Реал" бош мураббийи Хаби Алонсо олдида жамоа ҳужум чизиғида мувозанатни тиклаш ва ўзаро ҳамкорликни йўлга қўйишдек мураккаб вазифа турибди. Акс ҳолда ички қарама-қаршиликлар клуб натижаларига салбий таъсир кўрсатиши мумкин.