Мбаппе пенальти тепиш имкониятини энди бошқаларга бермайди
04 nov 22:32
News

Мбаппе пенальти тепиш имкониятини энди бошқаларга бермайди

"Реал"нинг кейинги пенальтиларини фақат Килиан Мбаппенинг ўзи ижро этади.

"Реал" ҳужумчиси Килиан Мбаппе бундан буён пенальти тепиш ҳуқуқини жамоадошларига бермайдиган бўлди. 1 ноябрь куни Мадрид клуби Ла Лиганинг 11-турида "Валенсия"ни 4:0 ҳисобида мағлуб этди. Ўйиннинг 19-дақиқасида Мбаппе пенальтидан ҳисобни очди. 42-дақиқада "Реал" ҳисоб 2:0 бўлиб турганида яна бир 11 метрлик жарима зарбасини қўлга киритди. Франциялик футболчи бу имкониятни Винисиус Жуниорга топширди, аммо бразилиялик футболчи нуқтадан гол ура олмади.

The Athletic нашрининг мураббийлар штабидаги манбаларига кўра, жамоанинг асосий пенальтичиси этиб тайинланган Мбаппе бундан кейин 11 метрлик жарима зарбасини тепиш ҳуқуқини бошқаларга бермайди. Фақат жамоа йирик ҳисобдаф олдинда кетаётган ҳолатларда бу қоидадан истисно қилиниши мумкин.

Link :

Source : The Athletic

Receive latest football news directly on your phone. Subscribe for our Telegram channel!

Rating: +5