Мбаппе ўз атрофидагиларга ПСЖда қолиш хато бўлгани ҳақида гапирган (France Blue)

ПСЖ ҳужумчиси Килиан Мбаппе клуби билан шартномасини узайтирганини хато деб ҳисобламоқда. Бугун маълум бўлишича, Мбаппе қишда клубни тарк этмоқчи. Футболчининг фикрича, ПСЖ ваъдаларида турмаган.

France Blue нашрининг хабар беришича, Килиан ўз атрофидаги инсонларга хатога йўл қўйгани ҳақида гапирган. Ўзига яқин бўлган инсонлар даврасида "Биз хато қилдик, биринчи навбатда мен", -деган Киллиан Мбаппе. 

"Килианга шартнома имзолаётган пайт бошқача, яъни айнан у лидер бўладиган лойиҳани ваъда қилишганди", -дейди Мбаппега яқин бўлган манба. 

Маълумот учун, Килиан Мбаппе ушбу мавсум ПСЖ таркибида 9 ўйинда майдонга тушиб 8 гол киритишга эришган.