Мбаппе навбатдаги совринга эга бўлди

Бу ҳақда UNFP (Франция футболчилар ва мураббийлар уюшмаси) матбуот хизмати хабар берди.

Жорий мавсумда франциялик футболчи Франция чемпионатида 29 учрашувда 27 та гол урди ва 7 та голли узатмани амалга оширди. Парижликлар таркибида у Лига 1 ғолибига айланди. Бу Мбаппенинг пойтахт клубидаги сўнгги мавсуми бўлди.

Эслатиб ўтамиз, 25 ёшли ҳужумчи 2018 йилнинг ёзида «Монако»дан ПСЖга кўчиб ўтганди. Шу вақт оралиғида ҳужумчи 306 та учрашувда майдонга тушди. Унинг ҳисобида 255 та гол ва 108 та голли узатма мавжуд.

Аввалроқ, ОАВда Мбаппе «Реал» билан 2029 йилгача шартнома имзолагани ҳақида маълумот пайдо бўлганди.