Маурисио Почеттино: "ПСЖ Чемпионлар Лигасида "Реал"ни мағлуб этишга ҳаммадан яқинроқ келганди"

"Чемпионлар Лигаси ПСЖнинг асосий мақсади бўлиб қолаверади. "Реал" ЕЧЛнинг 1/8, 1/4 ва 1/2 финалларида рақибларини қандай ўйиндан чиқариб юборганига қарасак, "Реал"нинг енгишга энг яқин келгани биз эдик.

Биз оғир даврни бошдан ўтказдик ва шу сабабли мусобақани тарк этдик. Биз мақсадга яқин келгандик, аммо омадсизликка учрадик. Бироқ энг асосийси – ҳаракатдан тўхтамаслик, таслим бўлмаслик.

Чемпионлар Лигасидан чиқиб кетгач, биз ўзимизни йўқотиб қўймадик ва Франция чемпионатини ютдик. Буни алоҳида таъкидлаш зарур", – деди ПСЖ устози.

Парижликлар "Реал"га Чемпионлар Лигаси 1/8 финал босқичида мағлуб бўлишди (1:0, 1:3). 1/4 финалда Мадрид клуби "Челси"ни (3:1, 2:3), ярим финалда – "Манчестер Сити"ни (3:4, 3:1) мағлуб этишди.