Маурицион Сарри: “Имкониятимиз кам, лекин йўқ эмас”

“Реал” катта босим остида қолади. Боиси, улар жаҳон чемпиони, дунёнинг энг бой жамоаси ва табиийки кучли клуби. Ўз ўрнида бизнинг мухлислар ҳам жаҳон чемпионлари ҳисобланишади. Эртага буни бутун Европа кўради.

Ишончим комил, ҳужум чизиғида дарвозани ишғол қилиш учун имкониятларимиз бўлади. Бундай ўйинларда нечта вазият бўлиши ҳақида ўйлаш керак эмас.

Ҳа, чорак финалга чиқиш учун имкониятларимиз бирмунча паст. Лекин йўқ эмас. Шу боис, охирги сонияларгача кураш олиб боришимиз шарт. Ҳар қандай ҳолатда ҳам эришилган муваффақиятдан хурсанд бўлмоғимиз лозим”, – деди Сарри УЕФА расмий сайтига берган интервьюсида.

Маълумот учун, “Наполи” 1/8 финалнинг илк учрашувини Мадридда ўтказиб, 1:3 ҳисобида имкониятни бой берган эди.